İsrailin Baş naziri Benyamin Netenyahu, Birləşmiş Ərəb Əmirliklərinin (BƏƏ) xarici işlər naziri Abdulla bin Zəyed əl-Nahayan və Bəhreynin xarici işlər naziri Əbdül Lətif əz- Zayani tərəflərin barışması məqsədilə razılığa gəliblər.

Onlar bu barədə sazişi ABŞ prezidenti Donald Trmpın iştrakı ilə Vaşinqtonda imzalayıblar.

«Röyter»in yazdığına görə, İsrail İordan çayıın qərb sahilindəki yəhudi məskənləri üzərinə öz suverenliyinin yayılmasını dayandırmağa söz verib. Bəhreyn və BƏƏ nümayəndələri əmindirlər ki, belə addım Yaxın Şərqdə sülhə yaxınlaşmağa kömək edəcək.

Bundan əvvəl Tramp xəbər vermişdi ki,daha 5-6 ölkə İsraillə münasiətlərin normallaşdırılması üçün razılığa gələ bilər.

Türkiyə, İran, Pakistan, Fələstin və bir çox müsəlman ölkələri Bəhreyn və BƏƏ-nin bu addımını xəyanət kimi dəyərləndiriblər.

Qərb KİV-ləri yazırlar ki, bu addım Türkiyənin gücünün artması və İranın bölgədə möhkəmlənməsi ilə bağlıdır. Belə ki, Türkiyənin regionun güc mərkəzinə çevrilməsi, həmçininİranın aktivləşməsi qonşu Yaxın Şərq ölkələrində narahatlıq doğurur.
 


Paylaş: