Martın 4-də axşam saatlarında Ukraynanın paytaxtı Kiyev şəhərindəki metrostansiyaların birində üzərində əl qumbaraları ilə dolu yük olan şəxs saxlanılıb.

"Report"un Şərqi Avropa bürosunun məlumatına görə, hadisə paytaxtın Darnitsa rayonunda yerləşən "Slavutiç" metrostansiyasında qeydə alınıb.

Belə ki, stansiyada saxlanılan şübhəli şəxsin gizli şəkildə Belarusdan keçərək Ukrayna ərazisinə daxil olan diversant olduğu müəyyənləşib.

Həmin şəxs yerli polis tərəfindən dərhal tərksilah edilib.

Qeyd edək ki, həmin stansiya Ukraynadakı vəziyyətlə əlaqədar sığınacaq kimi istifadə edilir.