Göbələk yalnız dadlı qida deyil, həm də sağlamlıq üçün əsl möcüzədir desək, yanılmarıq. Müxtəlif vitamin və minerallarla zəngin olan bu təbii məhsul bir çox xəstəliyin qarşısını almaqda mühüm rol oynayır.

Araşdırmaya görə, göbələyin orqanizmə 9 əsas müalicəvi təsiri var.

İmmuniteti gücləndirir

Göbələkdəki beta-qlükan və selenium immun sistemini gücləndirərək infeksiyalardan qoruyur. Xüsusilə qrip və soyuqdəymə mövsümündə göbələk mükəmməl bir seçimdir.

Xərçəng riskini azaldır

Araşdırmalar göstərir ki, göbələkdəki antioksidantlar və D vitamini bəzi xərçəng növlərinin qarşısını almaqda təsirli ola bilər.

Ürək-damar sağlamlığına dəstək

Göbələkdə olan kalium və lif qan təzyiqini tənzimləyir və pis xolesterolu azaldır. Bu, ürək-damar xəstəliklərinin riskini minimuma endirir.

Arıqlamağa kömək edir

Aşağı kalorili, yağsız və yüksək lif tərkibli göbələk arıqlamaq istəyənlər üçün ideal qidadır. Toxluq hissini artırır və qida ehtiyacını azaldır.

Həzm sistemini dəstəkləyir

Göbələk həzm sistemi üçün faydalıdır. Tərkibindəki liflər bağırsaq mikroflorasını yaxşılaşdırır və qəbizliyin qarşısını alır.

Dəri sağlamlığını yaxşılaşdırır

Göbələkdə olan D vitamini və antioksidantlar dərini daha sağlam və parlaq edir.

Diabet xəstələri üçün uyğundur

Göbələk qan şəkərini tənzimləyir və aşağı glisemik indeksə malikdir, bu da diabet xəstələri üçün ideal qida olmasını təmin edir.

Sümük sağlamlığını dəstəkləyir

Tərkibindəki D vitamini və fosfor sümükləri möhkəmləndirir və osteoporoz riskini azaldır.

Sinir sisteminə faydası var

Göbələkdəki B qrup vitaminləri, xüsusilə B6 və niasin, sinir sisteminin sağlam işləməsinə kömək edir.