Meliorasiya və Su Təsərrüfatı ASC sədri Əhməd Əhmədzadənin yaxın aylarda vəzifəsi ilə vidalaşacağı gözlənilir. Bu barədə saytımızı bilgiləndirən etibarlı mənbənin iddiasına görə 26 ildir Meliorasiya və Su Təsərrüfatı ASC-nin rəhbərliyində çalışan 74 yaşlı Əhməd Əhmədzadə də islahatların “güdazına” gedir.

Qeyd edək ki, bəzi iddalara görə prezidentin novruz bayramı günlərində anonsunu vediyi islahatlar paketində Meliorasiya və Su Təsərrüfatı ASC ilə “Azərsu” ASC-nin birləşdirilməsi gözlənilir. Lakin bunu istəmyənlər də çoxdur. Hətta Meliorasiya və Su Təsərrüfatı ASC-nin kənd təsərrüfatı naziri İnam Kərimovun tabeçiliyinə veriləcəyini söyləyənlər də çoxdur.

Onu da qeyd edək ki, istər Meliorasiya və Su Təsərrüfatı ASC, istərsə də “Azərsu” ASC uzun illərdir büdcə pullarının mənimsənilməsi üçün böyük korrupsiya ocağı olaraq bilinməkdədir.

Aparılan şübhəli maliyyə əməliyyatları ilə bağlı medida yayılan xəbərlər onu deməyə əsas verir ki, hər iki ASC-də yüksək və orta səviyyəli məmurlar milyardlarla manat vəsait mənimsəyiblər. Təbii ki, bütün təbiətin və var olanın 1nömrəli təlabatı olan su hər zaman aktualdır və bu sahədə “yuylan pullar” bitib-tükənməz və atalar demişkən, “su gələn arxa” həmişə su gələr...
Məlumata görə Əhmədzadənin yaşıyla əlaqədar olaraq işdən çıxarılması məsələsi çoxdan gündəmdədir. Patriarx məmurun yerinə isə həvəsli olan çoxdur. Hətta bu qurum “Azərsu”ya, ya da Kənd Təsrrüfatı Nazirliyinə biləşdirilsə belə, meliorasiya və su təsərrüfatlarına nəzarət həmişə yağlı tikə olaraq qalacaq. Həm də çox yağlı... Hər halda Əhmədzadənin 26 ildə qazandıqları bu tikənin nə qədər yağlı olduğunu göstərməkdədir.

Saytımıza məlumat verən mənbə bildirir ki, son zamanlar Əhmədzadənin ölkə daxilində və ölkə xaricində olan sərvətinin medida tirajlanması da patriarx məmurun yola salınmasını tezləşdirmək məqsədi daşıyır. Çünki onun yerinə göz dikənlər tələsirlər. Tələsmənin səbəbi isə prezident İlham Əliyevin apardığı islahatlardır. Belə ki, köhnə qvardiyadan artıq çox az adam öz karyerasına ümidlə baxa bilir...

ASC-də baş verənlərlə bağlı PİA.az-a məlumat verən mənbə bildirir ki, həm ASC daxilindən, həm də ASC xaricindən Əhmədzadənin yerinə göz dikənlər var və onların hamısı melorasoya və su patriarxının tezliklə istirahət çəkilməsi üçün əllərindən gələn hər şeyi edirlər.

Maraqlıdır ki, Meliorasiya və Su Təsərrüfatında Əhmədzadənin iki müavini onun kreslosuna sahib olmaq üçün “yaxalarını cırırlar”...

ASC sədri olmaq uğrunda iki müavin Rafiq Aslanovla, Zakir Quliyev çoxdan bir-birlərinə qarşı ən barışmaz şəkildə savaşdıqlarını qeyd edən mənbə PİA.az-a bildirib ki, bu barədə ASC-də hamı məlumatlı olduğu kimi Əhmədzadə özü də məlumatlıdır.

ASC-dəki başqa bir mənbədən əldə etdiyimiz məlumata görə isə hər iki müavinin şansları demək olar ki, eyni görünür. Lakin ola bilər ki, zamanla Zakir Quliyevin şansı daha çox artsın. Çünki o, hakimiyyətin islahatçı qanadında yer alan deputat Elçin Quliyevin qardaşıdır və bu da onun şanslarını daha böyüdür.

Yazıda adı keçən şəxslərin və qurumların mövqelərini dərc etməyə hazırıq...


Paylaş: