Dünən mətbuatda Elçin Əlibəylinin həyat yoldaşı Dilrubə Vaqifzadə tərəfindən döyülməsi barədə xəbərlər yayılıb. Məlumata görə, teleaparıcı Nəsimi Rayon Polis İdarəsinin 20-ci Polis Bölməsinə müraciət edərək bildirib ki, noyabrın 17-də H.Əliyev küçəsində arvadı, Tərtər rayon sakini, 1993-cü il təvəllüdlü D.Vaqifzadə tərəfindən xuliqanlıq zəminində döyülərək, ona xəsarət yetirilib. Xəsarət alan E.Əlibəyli Kliniki Tibbi Mərkəzə yerləşdirilib. Ona ilkin tibbi yardım göstərildikdən sonra evə buraxılıb.
Açıqlama verən teleaparıcı və xanımı bunu təkzib etsələr də, hadisə ilə bağlı maraqlı məqamlar diqqətimizi cəlb edib. Belə ki, cütlük açıqlamalarında hadisənin yalan olduğunu deməklə yanaşı, həm də bilərəkdən, yaxud da bilməyərəkdən bir-birilərinin fikrlərini təkzib ediblər.

Elçin Əlibəyli “Yeni Sabah”a açıqlamasında həyat yoldaşının hazırda Türkiyədə olduğunu deyib: “Vallah, mən öz evimin içində oturmuşam, həyat yoldaşım da Türkiyədədir”.

Bundan sonra – saat 17:00 radələrində E.Əlibəylinin xanımı ilə əlaqə saxladıq. Ondan Bakıya gəlib-gəlməməsi ilə bağlı soruşduq. Xanımı saat 22:00 radələrində mesajımıza cavab yazaraq 2-3 saat olar ki, Bakıda olduğunu bildirib.

Həmin gün saat 21:00-da musavat.com-a açıqlama verən E. Əlibəyli isə nəinki xanımını, hətta öz dediyini də təkzib edib. O, həyat yoldaşının iki gündür ki, Bakıda olduğunu deyib: “Mənim yoldaşım Türkiyənin İstanbul şəhərində magistratura təhsili alır. İki gündür ki, ölkəyə qayıdıb və hələ ki, iş-güc əlindən biz bir-birimizin üzünü düz-əməlli görə bilməmişik”.

Hadisənin hüquq mühafizə orqanlarına istinadən yayan oxu.az da daha sonra münaqişənin səbəbini də açıqlayıb. İlkin məlumatlarda cütlük arasında münaqişənin uşaq səbəbindən baş verdiyi bildirilib. Məlumata görə, D.Vaqifzadə övladı ilə birlikdə ölkədən çıxmaq üçün etibarnamə istəyib. Ancaq aparıcı buna qarşı çıxıb. Buna görə tərəflər arasında münaqişə baş verib.


Paylaş: