Xəbər verdiyimiz kimi, Nazirlər Kabineti icbari tibbi sığorta ilə əlaqədar xidmətlər zərfini müəyyənləşdirəcək.
Xidmətlər zərfində nələrin olacağı və dərmanların da sığorta paketinə daxil olub-olmayacağı maraq doğuran məqamlardandır.

Bu məqsədlə İcbari Tibbi Sığorta üzrə Dövlət Agentliyi Cebhe.info-nun suallarını cavablandırıb.

Agentlikdən verilən məlumata görə, ölkədə icbari tibbi sığortanın tətbiqini təmin edəcək vacib tədbirlərdən biri də əhalinin sistem çərçivəsində yararlana biləcəyi xidmətlərin toplusunun (xidmətlər zərfi) hazırlanmasıdır:

“Xidmətlər zərfi hazırlanarkən icbari tibbi sığortanın tətbiqi ilə bağlı beynəlxalq təcrübə nəzərə alınıbdır. Xidmətlər zərfinə təcili və təxirəsalınmaz tibbi yardım, ilkin səhiyyə xidməti, ixtisaslaşdırılmış ambulator yardım, stasionar tibbi yardım xidmətləri daxildir. İcbari tibbi sığorta çərçivəsində təminat verilən tibbi xidmətlərin siyahısı və tarifləri təsdiqləndikdən sonra ictimaiyyətə ətraflı məlumat veriləcək”.


Paylaş: