Bakı şəhəri, Yasamal rayonu, Ç.Mustafayev küçəsi-43 ünvanındakı binanın 18 sakini Yasamal Rayon İcra Hakimiyyətini məhkəməyə verib. 
Sakinlər Bakı İnzibati Məhkəməsinə yazdıqları ərizələrində göstəriblər ki, icra hakimiyyəti və Maliyyə Nazirliyinin Dövlət Maliyyə Nəzarəti Xidməti 15 mərtəbəli binanı müvafiq dövlət qərarı olmadan özbaşına sökmək adı altında ələ keçirmək istəyirlər. 
Qeyd edək ki, bina 2009-cu ildə 0,25 ha torpaq sahəsi üzərində inşa olunub. Yaşayış binası bir girişli olmaqla, bir səviyyəli zirzəmidən və 15 mərtəbədən ibarətdir. Binada 49 mənzil var. Bina müasir tələblərə cavab verdiyindən, dövlət orqanlarının, o cümlədən FHN-nin müsbət rəyi ilə istismara qəbul edilib. Sakinlər tərəfindən demək olar bütün mənzillər təmir edilib, binada su, qaz, elektrik enerjisi və liftdə var.
Diqqətimizi çəkən məqam şikayət edən şəxslərin demək olar ki, çoxunun vəzifəli şəxs, elm adamı olmasıdır. 
1. Fizika riyaziyyat üzrə elmlər doktoru olan Mərdanov İlham Cumayıl oğlu keçmiş Təhsil naziri Misir Mərdanovun qardaşıdı, hazırda BDU-nun Tətbiqi Riyaziyyat Elmi Tədqiqat İnstitunda işləyir. 
2. Kimya üzrə elmlər doktoru olan Nəcəfova Raya Əli qızı AMEA-nın Aşqarlar Kimya İnistitutunda şöbə müdiri işləyir, professordu, qardaşı İsa Nəcəfov isə Konstitusiya Məhkəməsinin hakimidir. 
3. Ələsgərova İlahə Əlisgəndər qızı Ədliyyə Nazirliyinin Yasamal rayon qeydiyyat şöbəsinin rəisidir.
4. Tibb üzrə fəlsəfə doktoru olan Muxtarova Sevinc Nəbi qızı Azərbaycan Tibb Universitetinin II Uşaq xəstəlikləri kafedrasında işləyir. 
5. Fizika- riyaziyyat elmləri üzrə fəlsəfə doktoru olan Dəmirov Aslan Həsən oğlu Azərbaycan Müəllimlər İnistitutunun Salyan filialının direktorudu. 
6. Şükürova Sürahi Adil qızı 45 saylı Abşeron seçki dairəsindən deputatlığa namizəd olub. 
Azər İsrafilov
 

 



Paylaş: