“Bütün ölkə ərazisində toy və yas mərasimləri ilə bağlı qadağa qüvvədə qalır. Çünki bu, kütləvilik təşkil edən məsələlərdəndir”.
Nazirlər Kabinetinin Mətbuat xidmətinin rəhbəri İbrahim Məmmədov brifinqdə çıxışı zamanı deyib.
O bildirib ki, eləcə də əsgərlərin yaxınları ilə görüşü də əvvəlki qaydada qadağandır.
“Tibbi maskalardan istifadənin məcburi olması ilə bağlı hökumətə müraciət edilib”.
Bunu isə jurnalistlərə açıqlamasında TƏBİB-in İdarə Heyətinin sədri Ramin Bayramlı deyib.
Onun sözlərinə görə, bir sıra müəssisələrdə və qapalı məkanlarda tibbi maskalardan istifadə məcburi olacaq: “Tibbi maskalardan istifadənin zəruriliyi ilə bağlı qaydalara nəzarət isə adiyyəti qurumların səlahiyyətindədir. Bu qaydalar məcburidirsə, təbii ki, arxasında cərimələr də dayanmalıdır”.
“Metronun açılması məsələsi müzakirə olunur”.
Bunu Nazirlər Kabinetinin Mətbuat xidmətinin rəhbəri İbrahim Məmmədov brifinqdə çıxışı zamanı deyib.
Onun sözlərinə görə, yekun qərar olanda elan ediləcək: “Ola bilsin, gələn həftə nəsə qərar açıqlansın”.
Oxumağa dəyər:   Pul dəyişəndə niyə şəxsiyyət vəsiqəsi tələb olunur? - Açıqlama
“Bakıda restoranlar bağlıdır və SMS icazəsi qüvvədədir”.
Nazirlər Kabinetinin Mətbuat xidmətinin rəhbəri İbrahim Məmmədov brifinqdə çıxışı zamanı deyib.
O bildirib ki, 65 yaşdan yuxarı şəxslərin evdən çölə çıxması icazəsi məsələsinə baxılır: “Mayın 11-dən sonra qərar qəbul edilməsi planlaşdırılır”.
Bakı, Sumqayıt, Gəncə, Lənkəran şəhərləri və Abşeron rayonu istisna olmaqla respublikanın digər rayon və şəhərlərində və Naxçıvan Muxtar Respublikasında 4 may 2020-ci il saat 00:00-dan etibarən yaşayış yerini SMS icazə ilə, “icaze.e-gov.az” portalında qeydiyyatdan keçməklə, xidməti vəsiqə və ya iş yeri barədə arayış əsasında tərk etmək sistemi ləğv olunur.
Bu barədə Nazirlər Kabineti yanında Operativ Qərargahdan məlumat verilib.


Paylaş: