Azərbaycanda may ayında növbəti əfv sərəncamının veriləcəyi ilə bağlı xəbərlər dolaşır.

Sonxeber.az-a may ayında növbəti əfv sərəncamının veriləcəyi ilə bağlı xəbərlərə münasibət bildirərkən Milli Məclisin Hüquq siyasəti və dövlət quruculuğu komitəsinin üzvü, millət vəkili Çingiz Qənizadə əfv vərmanının yeni imzalandığını bildirib.

Millət vəkili Prezident İlham Əliyevin mart ayında əfv sərəncamı imzaladığını qeyd edib:

"Əfv sərəncamı 431 nəfərə şamil olunmuşdu. Bir ay bundan öncəki Prezidentin imzaladı əfv sərəncmıı çox böyük bir uğur idi. Yaxın vaxtlarda əfv sərəncamının imzalanıb-imzalanmaması Prezidentin səlahiyyətinə aiddir. Ancaq təcrübə göstərir ki, bir ay və ya iki-üç ay ərzində əfvlə bağlı sərəncamların imzalanması məqsədə uyğun deyil. Yəni, may ayında əfv sərəncamının verilməsinə inanmıram. Ancaq İlham Əliyev hər zaman olduğu kimi, yenə də humanist addım ata bilər. Hansı aya təsadüf olacağı barədə isə, heç nə deyə bilmərəm".

Qeyd edək ki, martın 16-da Prezident İlham Əliyev məhkum edilmiş bir sıra şəxslərin əfv olunması haqqında sərəncam imzalayıb.
Əfv sərəncamı ümumilikdə 431 nəfərə şamil olunub. Onlardan azadlıqdan məhrum etmə cəzasına məhkum edilmiş 399 nəfər cəzanın çəkilməmiş hissəsindən azad edilib. Əfv sərəncamı, o cümlədən, 14 xarici vətəndaşa şamil olunub.



Paylaş: