Ağsu şəhərindəki Dövlət Bayrağının zədələnib cırıldığı, bununla bağlı heç bir tədbir görülmədiyi barədə RegionXəbərləri.com saytında 07 iyun 2020-ci il tarixdə dərc edilmiş “Ağsu icra başçısından dövlət bayrağına hörmətsizlik” başlıqlı yazıdan sonra rayon icra hakimiyyəti tərəfindən dərhal tədbir görülmüşdür.
Belə ki, külək nəticəsində 07.06.2020-ci il tarixdə saat 15:00 radələrində Ağsu şəhərindəki 72 metr hündürlüyü olan Dövlət Bayrağı dayağın üzərində olan ildırım ötürücüsünə ilişərək zədələnib cırılmış, onun hərəkəti məhdudlaşmışdır. Dövlət bayrağını endirmək mümkün olmadığından Bakı şəhərindən dəvət olunmuş mütəxəssislərə xüsusi icazə alınaraq onların rayona gəlmələri təmin olunmuşdur. Zədələnmiş Dövlət Bayrağı endirilmiş və yenisi ilə əvəz olunaraq qaldırılmışdır.

RegionXəbərləri.com




Paylaş: