“Hökumət ancaq online bilet almağa imkan tanıyıb, elə insan var ki, nə interneti var, nə də kartı. Bilet almada qeydiyyat məsələsi məhdudiyyəti də qoyulub. Nə qeydiyyatdır bu? Kimlər qalıbsa siyahıya alın göndərin, əlavə sıxıntı niyə yaradırsınız? Üstəlik bilet pulu da yoxdur”.

Bu sözləri Milli Məclisin bugünkü iclasında BQP sədri, millət vəkili Fazil Mustafa deyib.

Fazil Mustafa bildiirb ki, Maliyyə Nazirliyi əlavə təyyarələr üçün təcili pul ayrırmalıdır. Onun sözlərinə görə, bilet almağa pulu olmayan vətəndaşlar dövlət hesabına biletlə təmin olunmalıdır: “Əgər vəsait yoxdursa, şəxsən mən öz maaşımdan 20 nəfərə bilet almağı öz öhdəmə götürürəm. Hesabı göstərin, ora keçirim. İnsan var ki, 3 aydır evindən didərgin düşüb. Ana gedib Naxçıvanda əsgərlikdəki oğluna baş çəkməyə, yol bağlanıb qalıb orada. Üç aydır xeyirxah insanların gətirdiyi azuqə ilə ayaqda qalır. Naxçıvanlıların bu ağır şəraitdən çıxması üçün bütün zəruri addımlar atılmalıdır”.


Paylaş: