“Bizim də ordumuz var və mən də əsgərlərdən generallara qədər Silahlı Qüvvələr Günü münasibətilə hamını təbrik edirəm. Amma bir şərtim var ki, əgər belə götürsək ki, bu gün bizim ordumuzun ad günüdür, mən bilən bunu təmtəraqla keçirməyə ehtiyac yoxdur”

Bunu Moderator.az-a açıqlamasında yazıçı Seyran Səxavət deyib. Yazıçı ordumuzu torpaqlarımızı azad etdikdən sonra tam başqa şəkildə təbrik edəcəyini bildirib:

“Bütün xalqlara, ölkələrə ordu lazımdır və hamısının da ordusu var. Bizim də ordumuz var və mən də əsgərlərdən generallara qədər Silahlı Qüvvələr Günü münasibətilə hamını təbrik edirəm. Amma bir şərtim var ki, əgər belə götürsək ki, bu gün bizim ordumuzun ad günüdür, mən bilən bunu təmtəraqla keçirməyə ehtiyac yoxdur.

Təsəvvür elə ki, cavan oğlansan, hər bir imkanın da var, amma atan ölüb və qırxı çıxmamış ad günü keçirirsən. Yəni ad günü bizim ordumuzun və ordumuzla bərabər xalqımızın halal haqqı o zaman olacaq ki, Qarabağ üzərində iri addımlarla addımlayaraq ən uca zirvədə, Şuşada bayrağımızı sancacaqlar. Ondan sonra siz mənə zəng vuranda mən onda tamam başqa şeylər deyəcəm. Yəni hər şey halallıqla olmalıdır və hələlik bu ad günü mənim üçün maraqlı deyil. İnşallah mən Qarabağı erməni murdarlarından təmizləyəndən sonra ordumuzu necə təbrik etmək lazımdırsa elə də edəcəm”.


Paylaş: