“Bu gün avqust ayının 18-dir! Koronavirusla mübarizə aparan fədakar tibb işçiləri hələ iyul ayının maaşını almayıblar! Maaşları verən kimdir bilmirəm, amma onlara demək istəyirəm ki, əməlinizdən utanırsızmı?”.

Cebhe.info xəbər verir ki, bunu özünün “facebook” səhifəsində Azərbaycan Həkimləri İctimai Birliyinin təsisçilərindən biri, radioloq-həkim Aydın Əliyev yazıb.

Aydın Əliyev bildirib ki, həkimlərin əmək haqqının verilməməsi doğru deyil: “Bu qədər də insafsızlıq olar? Necə olur ki, aylardır işləməyən universitet maaşları verir! Siz dövlətin ayırdığı milyardlarla vəsaitdən bu fədakar insanların əmək haqqlarını vermirsiz!

Hər gün qürurla elan etdiyiniz 200-300 sağalan xəstələri həmin o əmək haqqlarını vermədiyiniz fədakar tibb işçiləri müayinə və müalicə edir! Söz tapmıram deməyə!”


Paylaş: