Dağlıq Qarabağın azadlığı uğrunda gedən döyüşlər çərçivəsində düşmənin çoxlu sayda hərbi texnikası və canlı qüvvəsi məhv edilib. Ermənistan ordusu elə bir vəziyyətə çatıb ki, döyüşmək üçün Suriya və Livandan muzdlu döyüşçülər gətirir. Yerdə qalan 3-5 əsgərini isə səngərə zəncirləyərək döyüşməyə məcbur edir.

Çünki əksəriyyəti Azərbaycan Ordusuna qarşı vuruşmağın labüd ölüm olduğunu nəzərə alaraq, cəbhə bölgəsindən qaçır. Arxalandığı Rusiya və İran kimi dövlətlər isə hazırda Azərbaycanın ərazi bütövlüyünü dəstəkləyir.

Maraqlıdır, bütün bunlara baxmayaraq, Paşinyan hökuməti niyə təslim olmur?

Məsələ ilə bağlı Yenisabah.az-a danışan hərbi ekspert Ramil Məmmədli qeyd edib ki, ermənilər tərəfindən təslimçiliklə bağlı bir qərar verilsə, bu, mövcud hakimiyyətin nəinki istefa etməsinə, ümumiyyətlə, məhv olmasına səbəb olacaq:

“Onlar çox yaxşı bilirlər ki, bu, Ermənistan hökumətinin rəhbər şəxslərinin fiziki məhvinə gətirib çıxaracaq. Yəni burada söhbət artıq hakimiyyətin itirilməsindən yox, ancaq fiziki məhvdən gedə bilər. Problem məhz bununla bağlıdır. Ona görə də Paşinyan hökuməti ciddi şəkildə problemi öz xeyrinə həll etməyə çalışır. Kapitulyasiyaya imza atmır. Onun yerinə müharibədə uduzmağı üstün tutur”.

Həmsöhbətimiz vurğulayıb ki, bu gedişlə Ermənistan ordusu maksimum bir ay tab gətirə bilər:

“bundan sonra ermənilərin nə silah texnikası, nə də insan resursu Azərbaycan Ordusu qarşısında duruş gətirə biləcək”.


Paylaş: