2021-ci ilin planeti Venera olduğuna görə Veneranın himayəsində olan buğa və tərəzi bürcləri bir qədər aparıcı və şanslı olacaqlar.

Bunu açıqlamasında astroloq Səbuhi Rəhimli deyib. Astroloq bildirib ki, onların biri hava, biri də torpaq ünsürlüdür.

“Bu baxımdan ümumilikdə buğa, qız və oğlaq, əkizlər, tərəzi, dolça bürcləri üçün daha şanslı dövr yaxınlaşır. Lakin bir şeyi qeyd edim ki, bunu onların bütün fərdlərinə aid edə bilmərik. Çünki bu bir az fərdi yanaşma, xalq yaradıcılığı olar. O cür yanaşmanı mən qəbul etmirəm”.

İllərə gəldikdə isə S. Rəhimli deyib ki, Çin qoroskopunda dostlar üçbucağı deyilən bir anlayış var: “Qarşıdan gələn öküz ilinin dostları isə ilan və xoruz illəridir. Onlar üçün öz meydançasında oynayan futbolçu kimi daha yaxşı imkanlara malik olacaqları bir dövr gəlir. Ötməkdə olan siçovul ilinin insanlardan tələbi o idi ki, yeni şeylərə cəhd etməyin, əldə olan mövqeləri qoruyun. Bu bütün sahələrdə keçərliydi. Öküz ili isə əvvəldə də qeyd etdiyim kimi, haqlı və güclü olmağı tələb edir”.


Paylaş: