Azərbaycanda meşələrin kənar müdaxilələr olduğu zaman çəpərlənəcək.

Bunu ekologiya və təbii sərvətlər nazirinin müavini Firdovsi Əliyev bildirib.
Onun sözlərinə görə, meşələrin çəpərlənməsi daimi proses olmayacaq:
“Meşələrdə təbii bərpa prosesi baş verdikdən sonra meşələrdəki çəpərlər sökülür. Başqa ərazilərdə çəpərlənmə işləri aparılır. Belə bir təcrübə Qırğızıstanda da var”.
Nazir müavini bildirib ki, bəzi meşə fondu ərazilərinə mal-qaranın girişinin qarşısı alınmalıdır:
“Bu halların qarşısının alınması üçün meşələrin çəpərlənməsi təcrübəsinin tətbiqi faydalı olar”.
Firdovsi Əliyev xaricdən ting gətirən iş adamlarına da müraciət edib:

“ETSN-nin kifayət qədər yerli şəraitə uyğunlaşdırılmış tingləri var. Buna görə də xaricdən tinglərin gətirilməsinə ehtiyac yoxdur”.


Paylaş: