"Dövlət Gönrük Komitəsində (DGK) hər hansı yoxlamaların aparılması və 700 milyon manat kəsirin yaranması ilə bağlı yayılan məlumatlar tamamilə əsassız və yalandır".

“Report”un məlumatına görə, bunu Komitənin sədri Səfər Mehdiyev 2020-ci ilin yekunlarına və qarşıda duran vəzifələrə həsr olunmuş tədbirdə bildirib.

"DGK bu xəbərə sadəcə üzülüb. Bu cür yanlış məlumatları yayıb, komitənin fəaliyyətini gözdən salmaq istəyən insan və qüvvələr var. Bu, hansısa qüvvələrin və özünü “ekspert” adlandıran şəxslərin oyunur. Biz tarladan pambıq toplamırıq ki, kəsirimiz olsun. Son 3 il ərzində 2 milyard manat əlavə vəsait büdcəyə toplanıb. Bu, cənab prezidertin apardığı uğurlu siyasətin nəticəsidir. Bu uğurları görməyənlər kordur və ictimaiyyətə bu cür yalanları ötürənlərin səviyyəsinə enmək fikrimiz yoxdur”, - deyə o, qeyd edib.

Səfər Mehdiyev bildirib ki, ötən ilin Dövlət Gömrük Komitəsinin xarici ticarət dövriyyəsi 24 milyard 471 milyon 29 min manat təşkil edib.

O bildirib ki, buna kölgə iqtisadiyyatıyla mübarizə, mənşə ölkəsinin müəyyənləşdirilməsi, risk idarəetmə mərkəzlərinin fəaliyyətinin təkmilləşdirilməsi nəticəsində mümkün olub.

DGK sədri son günlər komitəyə qarşı səsləndirilən ittihamlara da münasibət bildirib. Onun sözlərinə görə, 2020-ci ildə idxalın həcmi 10 730,72 olub: "Bunun da 59 faizini idxal rüsumlarından azadolma təşkil edir. Hər kəs indi ekspert qismində çıxış edir. Onlar deyir ki, cəlb edilmiş rüsum 36 faizdir. Ancaq ölkəyə idxal olunan malların 26,5 faizinin 15 faiz rüsumu cəlb olunub. 5 faizə cəlb olunan idxalın həcmi 8,2 faiz təşkil edir".


Paylaş: