“Media haqqında” qanun medianın inkişafında yeni imkanlar deməkdir. Bu imkanlardan istifadə etmək isə media subyektlərinin və jurnalistlərin üzərinə düşən vəzifədir”.

Bunu Medianın İnkişafı Agentliyinin şöbə müdiri Natiq Məmmədli “Real İntervyu”ya bildirib.

N.Məmmədli “Media haqqında” qanunun əhəmiyyətindən danışıb.
O ADA Universitetində seminarın davam etdiyini bildirilib. Bu platformada Azərbaycanın 70-dən çox media menecerinin təmsil olunduğunu deyib.

O, əlavə olaraq qeyd edib ki, əvvəllər KİV haqqında Qanun var idi və hazırda da qüvvədədir. Həmçinin, Milli Teleradio Yayımı haqqında Qanun var. İndi bu iki qanun birləşdirilərək “Media haqqında” Qanun adlanacaq.

Burada həm çap mediasının (qəzetlər, jurnallar), həm onlayn media, həm də informasiya agentliklərinin fəaliyyəti və audiovizual medianın tərkib hissəsi kimi radio və televiziyaların fəaliyyəti tam əhatə olunacaq, onların fəaliyyət sxemini müəyyənləşdirən bir qanun olacaq:

"Bu qanunda Azərbaycanda hər hansı ifadə azadlığına qarşı müddəalar öz əksini tapmayıb. Əksinə, bu qanunun qəbulundan sonra media islahatlarının daha dinamik nəticələrini görəcək, ifadə azadlığının daha da möhkəmlənməsinin şahidi olacağıq”.

N.Məmmədli media sahəsindəki nöqsanlardan da danışıb:

“Media sahəsində nöqsanlar çoxəhatəli bir məsələdir. Uğurlarımıza arxayın olmuruq və səhvlərimizdən nəticə çıxarırıq. Azərbaycan mediası çox rənglidir” - deyə o bildirib.




Paylaş: