Daxili İşlər Nazirliyi Göyçay rayonu Çərəkə kand sakini Məmmədov Rəvan İdris oğlunun iddialarına cavab verib.
İyunun 10-da DİN-in “102” Zəng Mərkəzinə müraciət edən vətəndaş Rəvan Məmmədov Göyçay Rayon Mərkəzi Xəstəxanasında münaqişənin baş verdiyini bildirib.

Bu barədə DİN-in Mətbuat Xidmətinin Şəki regional qrupunun baş inspektoru, polis baş leytenantı Mahir Məsimov bildirib ki, daxil olmuş müraciətlə əlaqədar Rayon Polis Şöbəsinin əməkdaşları dərhal xəstəxanaya gedib. Araşdırma zamanı R.Məmmədovun döyülməsi, eləcə də təhqir olunması ilə bağlı iddiaları təsdiqini tapmayıb. “102” Zəng Mərkəzinə müraciəti ilə əlaqədar ona göndərilən məktubda da tələbləri ilə bağlı məhkəmə orqanlarına müraciət etməyi bildirilib.

Qeyd edək ki, Göyçay rayonu Çərəkə kand sakini Məmmədov Rəvan İdris oğlu redaksiyamıza müraciət edərək 10 iyun 2021-ci il tarixdə Göyçay rayon xəstəxanasının əməkdaşları tərəfindən döyülüb təhqqir olunmasını bildirmiş, bu barədə etdiyi şikayətə baxılmadığını qeyd etmişdir.

RegionXəbərləri.com






Paylaş: