AMEA prezidenti Ramiz Mehdiyevin Novxanı qəsəbəsində yerləşən bağ evində qazdan istifadəyə görə 16 min manat cərimə olunması ilə bağlı məlumat yayılıb.

İddiaya görə, bu illər ərzində R.Mehdiyev "Azəriqaz" əməkdaşlarını villanın həyətinə buraxmadığı üçün onlar borcu hesablaya bilməyiblər. Bu günlərdə “Azəriqaz” rəhbərliyinin göstərişi ilə R.Mehdiyevin villasına daxil olan əməkdaşlar 16 min manat cərimə yazıblar.
Məlumata görə “Azəriqaz” İstehsalat Birliyinin mətbuat katibi Eldəniz Vəliyev “Qafqazinfo”nun sorğusuna cavab olaraq bildirib ki, Prezident Administrasiyasının sabiq rəhbəri Ramiz Mehdiyevə məxsus fərdi yaşayış evinə verilən mavi yanacağın "Azəriqaz" İstehsalat Birliyinin əməkdaşları tərəfindən kəsilməsi ilə bağlı məlumatlar dərc olunur:

"Mehdiyevə məxsus fərdi yaşayış evinə verilən mavi yanacağın kəsilməsi və cərimə yazılması ilə bağlı Birliyə heç bir məlumat daxil olmayıb".

Prezident Administrasiyasının sabiq rəhbəri, Elmlər Akademiyasının prezidenti Ramiz Mehdiyev “Azəriqaz” İstehsalat Birliyinin (İB) əməkdaşları tərəfindən cərimələnib.

RegionXəbərləri.com xəbər verir ki, Hurriyyet.az-ın etibarlı mənbələrdən əldə etdiyi məlumata görə, Ramiz Mehdiyev Novxanıda yerləşən villasının qaz borcunu illərdir ödəməyib.
Bu müddət ərzində “Azəriqaz” əməkdaşları mavi yanacağa görə borcun miqdarını hesablaya bilməyiblər. Çünki sayğaç içəridə quraşdırılıb və onların villaya daxil olmasına icazə verilməyib.
Məlumata görə, bu günlərdə “Azəriqaz” rəhbərliyinin göstərişi ilə R.Mehdiyevin villasına daxil olan əməkdaşlar PA-nın sabiq rəhbərinin 16 min manat həcmində cərimələyiblər.


Paylaş: