Ağstafa rayonunun Böyük Kəsik kəndinin ərazisindəki kənd təsərrüfütı məhsullarının satış bazarında baş verən cinayət haqqında məlumat vermişdik. Belə ki, 25 yaşlı şəxs qan davası üstündə qanlıların üzərinə atəş açmış və 4 nəfəri qətlə yetirmişdi. Ölənlərdən biri isə həmin bazarda satıcılıq edən və məsələyə yaxından-uzaqdan adiyyətı olmayan Zeynəb Cəlilov olub.
“Yeni Sabah” mərhumun oğlu Azad Cəlilovun sosial şəbəkə hesabını tapıb. O hesabında hadisəyə münasət bildirərək qeyd edib:
“Adını namus davası qoydular. Belə başlıq yazdılar: “Ağstafada cinayət, kalaşnikov ilə atasının qisasını aldı!” Bəs, mənim anamın günahı nə idi? Sadəcə yalnış zamanda, yalnış yerdə olmaq? Kor bir güllənin qurbanı oldu mənim anam! Abbasqulu bəy demiş, bəs, bunu kimin namusuna yazaq? Gedim qisas alım, bəlkə mən də onun anasını öldürüm?, Anam geri gələcəkmi? Namus davası adı altında binamusluq elədilər! 24 yaşlı bir binamus həyatımızı məhv etdi, Artıq xəstəlik kağızını da alıb, yaxın bir neçə ilə çıxacaq həbsdən. Çünki ölkəmizdə insandan başqa hər şeyin bir dəyəri, bir bədəli, bir qiyməti var!...” 
 


 


Paylaş: