Son günlər Rusiya sülhməramlılarının müvəqqəti yerləşdirildiyi Azərbaycan ərazilərində erməni təxribatlarının intensivləşdiyinin şahidi oluruq.

Görünən odur ki, ermənilər Azərbaycan ordusunun Vətən müharibəsində erməni ordusunun başına ələdiyi oddan, Ermənistan qəbiristanlıqlarını dolduran məhv edilmiş erməni hərbçilərinin taleyindən dərs çıxarmayıb.

Sən qudurğanlığın həddinə bax ki, bu gün Şuşa şəhəri yaxınlığında erməni terrorçu Norayr Mirzoyan Azərbaycan və Rusiya hərbçilərinə qumbara atıb.

Tipik erməni xarakteri bu qumbaranı atan erməninin simasında cəmləşib. O, Rusiya sülhməramlıları tərəfindən saxlanılıb.

Tarix boyu böyük güclər üçün faydalı axmaq rolunu oynayan erməni amilinin əsas hərəkətverici qüvvəsi terror və təxribatdır.

İmza atdığı qanlı hadisələrə həyasızcasına don geyindirmək erməni xislətinin dərinliyində yatan düşüncələrdən qaynaqlanır.

Ermənilərin ASALA terror təşkilatı çox sayda mülki insanı və türkiyəli diplomatı hədəfə alan terror aktları həyata keçirib. Birinci Qarabağ müharibəsində Livanda vətəndaş müharibəsi zamanı terrorçuluq üzrə püxtələşmiş “Arabo” təşkilatı mülki əhaliyə divan tutmaq üçün cəlb edilib.

Siyahını uzada bilərik, lakin buna lüzum görmürük, qısası, nəticə olaraq söyləyək ki, ermənilərin öz xislətlərindən dolayı başlarında çatlayan hadisələrdən nümunə götürmür.

Erməni “Telegram” kanalları Şuşada təxribat törədən şəxsi “qəhrəman” elan edərək hadisənin videosunu tirajlayır və utanmaz-utanmaz yeni imic formalaşdırmağa çalışırlar.

Azərbaycan Ordusunun gücünə, düşmənə döyüş meydanında hansı dərslər verdiyini xatırlamayan bir düşüncə hansı təhlükələri desən törədər.

Bu hadisə bəzi sualları bir daha aktuallaşdırır:

1. Qarabağda qalan erməni ordusunun tör-töküntüləri təxribat törətmək üçün mənəvi qidanı haradan alırlar?

2. Rusiya sülhməramlıların fəaliyyəti demək ki, lazımi məsuliyyət yaratmayıb. Çünki sülhməramlıların bəzən funksiya və mandatından kənar işlərə girişdiyinin şahidi oluruq.

Ermənistan olanlardan dərs çıxarmasa, bu zaman Bakı hərbi variantı gündəmə gətirəcək. Bunun üçün Azərbaycanın əlində kifayət qədər əsaslar var, amma hələlik Bakı strateji təmkin nümayiş etdirir.

Hadisə ilə bağlı Azərbaycan Baş Prokurorluğu və Daxili İşlər Nazirliyi birgə məlumat yayıb. Bildirilir ki, noyabrın 13-ü saat 07:12-də Xankəndi-Laçın şosse yolu ilə “Mercedes Benz” markalı avtomobillə Laçın şəhəri istiqamətində hərəkətdə olan Ermənistan vətəndaşı, 1975-ci il təvəllüdlü Norayr Mirzoyan və qeyriləri cinayətkar birlik halında “RQD-5” markalı əl qumbarası və digər odlu silah, partlayıcı maddələr əldə edib.

O, Azərbaycan ərazisində terror aktı törətmək habelə qəsdən adam öldürmək məqsədilə idarə etdiyi avtomobildən düşüb. Bundan sonra Şuşa şəhərinin Daşaltı kəndinin yaxınlığında xidmət aparan Azərbaycan Silahlı Qüvvələrinin N saylı hərbi hissəsinin və Rusiya Federasiyasının sülhməramlı kontingentinin hərbi qulluqçularının həyatını təhlükəyə atmaqla əl qumbarasını onların istiqamətində atıb.

Nəticədə müddətdən artıq həqiqi hərbi xidmət hərbi qulluqçusu, çavuş Hafiz Nəsibova və digərlərinə (cəmi üç nəfərə) müxtəlif dərəcəli bədən xəsarətləri yetirməklə milli düşmənçilik niyyətilə qəsdən öldürülmələrinə cəhd edib.

Azərbaycan Baş Prokuroru tərəfindən fakta görə Cinayət Məcəlləsinin 29, 120.2.1 (bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adam öldürməyə cəhd), 29, 120.2.3, (zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar onun özünü və ya yaxın qohumlarını öldürməyə cəhd), 29, 120.2.4 ( xüsusi amansızlıqla və ya ümumi təhlükəli üsulla adam öldürməyə cəhd), 214.2.3 (terrorçuluq-odlu silahdan və silah qismində istifadə olunan predmetlərdən istifadə etməklə törədildikdə), 228.3 (qanunsuz olaraq odlu silah, partlayıcı maddə əldə etmə, başqasına vermə, satma, saxlama, daşıma və gəzdirmə mütəşəkkil dəstə tərəfindən törədildikdə) və digər maddələri ilə cinayət işi başlanılıb.