Bu ilin fevral ayında arvadına 18 bıçaq zərbəsi vuraraq öldürən 49 yaşlı Tufan Qurbanovun cinayət işi üzrə istintaq yekunlaşıb.
Cinayət işi materialları baxılması üçün Bakı Ağır Cinayətlər Məhkəməsinə göndərilib. Artıq işə baxacaq hakim də təyin edilib. T.Qurbanovun məhkəmə istintaqı hakim Cavid Hüseynovun sədrliyi ilə araşdırılacaq.
Hadisə 2019-cu il fevralın 11-də gündüz, təqribən saat 13:00 radələrində Bakının Binəqədi rayonunda baş verib. İsfahanlı küçəsindəki şəxsi mənzillərdən birində 40 yaşlı Qurbanova Lalə Həsən qızı xüsusi amansızlıqla qətlə yetirilib.

Onun əri Tufan Qurbanov böyük mətbəx bıçağı ilə 18 bıçaq zərbəsi vurub, sonra isə onun boğazını kəsib. Cinayəti törətdikdən sonra polis bölməsinə gedərək təslim olub.


Paylaş: