Xaçmaz rayonunun Gödəkli kəndində iti asaraq öldürən 86 yaşlı Balasoltan Daşdəmirov hadisənin baş vermə səbəblərindən danışıb.

Bu barədə “Xəzər Xəbər” reportaj hazırlayıb.

B. Daşdəmirov bildirib ki, o, iti zərərsizləşdirmək məqsədilə bağlayıb. İti öldürmək fikri olmayıb:

“Gətirdim qaraja onu, iplə boynundan bağladım. Sonra bu dəmirdən ipin o biri ucunu bağladım. Dedim qoy burda dursun, sonra gedib azdıraram. İt özünü atıb “yama”ya”.

B. Daşdəmirovun həyat yoldaşı isə bildirib ki, sahibsiz it onların evinə soxulub və anbardakı bəzi ərzaq məhsullarını yeyib, dağıdıb və yararsız hala salıb:

“Qazanda konfet, başqa nə var, aparıb. Yas yerinə gedəndə küçədən konfetləri yığırdım”.

Qeyd edək ki, hadisənin baş verdiyi gün B. Daşdəmirov İnzibati Xətalar Məcəlləsinin 274-cü maddəsi ilə (Heyvanlarla rəhmsiz davranmaqla onların şikəst və ya tələf edilməsi) 500 manat məbləğində cərimə edilib.