“Ukraynada Rusiyanın genişmiqyaslı işğalı başlayandan bəri yüzə yaxın “kadırovçu” öldürülüb, 300-ə yaxını yaralanıb, daha 60 nəfər isə sadəcə olaraq qaçıb”.

Məlumatı Ukrayna Müdafiə Nazirliyinin Baş Kəşfiyyat İdarəsi yayıb. Bildirilib ki, Ukraynaya hərbi müdaxilədə Çeçenistandan 2,5 minə yaxın yaraqlı iştirak edib.

Qeyd edək ki, Rusiyanın Ukraynaya təcavüzünün başlaması ilə Çeçenistan Respublikasının Prezidenti Ramzan Kadırov çeçen hərbçilərin Ukraynaya göndərildiyini açıqlayıb və dəfələrlə bunu əks etdirən kadrlar paylaşıb.

“Kadırovçu”ların təbliğat xarakterli saxta döyüş kadrlarını səhnələşdirdikləri iddia edilir.