Ekosistemlə əlaqəli araşdırmalar aparan “Crowther” laboratoriyasının alimləri planetimizin gələcəyi ilə bağlı qorxulu proqnozlar verirlər.
Elm adamları 30 il ərzində 520 şəhərdə qəribə iqlim dəyişikliklərinin müşahidə olunacağını açıqlayıblar.

Belə ki, 2050-ci ilə qədər şəhərlərin dörddə üçündə iqlim sistemi dəyişəcək. Onların ən azı 20 faizində bu gün dünyanın heç bir yerində müşahidə olunmayan iqlim şəraiti formalaşacaq. Bu dəyişikliklər xüsusilə Şimal yarımkürəsində özünü hiss etdirəcək. Burada daha isti və daha nəmli iqlim şəraiti müşahidə olunacaq. Avropada yay fəsli üçün orta temperatur 3,5 dərəcə, qış ayları üçün orta temperatur isə 4,7 dərəcə artacaq.

Bütün bunların nəticəsində Londonun bugünkü Barselonaya, Stokholmun Budapeştə, Milanın Dallasa, Madridin isə Mərakeşə bənzəyəcəyi bildirilir..

Alimlər qeyd edirlər ki, bu iqlim dəyişiklikləri siyasətdə və digər sahələrdə yeni problemləri gündəmə gətirəcək.

Elmi tədqiqatın nəticələri “PLOS One” jurnalında yayımlanıb.


Paylaş: