Koronavirusa yoluxmuş ABŞ Prezidenti Co Baydenin əsas simptomu boğaz ağrısı olaraq qalır.

Bu barədə Amerika liderinin həkimi məlumat verib.

Ağ Evin mətbuat xidməti tərəfindən yayılan məlumatda ABŞ Prezidentinin səhhətinin yaxşılaşmağa doğru davam etdiyi bildirilir.

Qeyd edilib ki, Baydenin temperatur, təzyiq, nəbz və tənəffüsü normaldır, ağciyərləri təmizdir.

Həkiminin sözlərinə görə, Bayden “Paxlovid”i qəbul etməyə davam edir və dərmana yaxşı reaksiya verir: 

“Prezidentin arabir öskürəyi tutur və səsi bir az zəifləyib”.

Qeyd edək ki, cümə axşamı Baydenin koronavirus testinin nəticəsi pozitiv çıxıb. O, 5 gün karantində olacaq.