Bu ilin 2-ci rübündə Rusiya iqtisadiyyatında ÜDM istehsalı ötən ilin analoji dövrü ilə müqayisədə 4% azalıb.

Rusiya Statistika Xidmətinin açıqladığı məlumatda bildirir ki, bu dövürdə Rusiyda topdansatış dövriyyəsi 15,3%, pərakəndə ticarət dövriyyəsi 9,8%, sərnişin dövriyyəsi 5,3%, emal sənayesi 3,3%, yük dövriyyəsi isə 2,9% azalıb.

May ayında Rusiyada orta aylıq əmək haqqı 62 min 457 rubl olub. Ötən ilin may ayı ilə müqayisədə orta aylıq əmək haqqının real dəyəri 6,1% azalıb.

May ayı ilə müqayisədə bu ilin iyun ayında Rusiyada neft və təbii qaz hasilatı 5,9%, kömür hasilatı 19,5%, metal filizi hasilatı 11% azalıb.

Məlumat üçün qeyd edək ki, bu ilin fevral ayının 24-də Rusiya ordusu Ukrayna ərazisinə daxil olaraq bu ölkəyə qarşı müharibəyə başlayıb. ABŞ və Böyük Britaniya başda olmaqla dünyanın bir-sıra ölkələri Rusiya iqtisadiyyatına qarşı sanksiyalar tətbiq ediblər.