Azərbaycanlı cüdoçu və məşqçi Rüfət Süleymanovun ölüm səbəbi bəlli olub.

Globalinfo.az-a verilən məlumata görə, 2 saylı Respublika İxtisaslaşmış Olimpiya Ehtiyatları Uşaq-Gənclər İdman Məktəbinin məşqçi-müəllimi R.Süleymanovun bədən hərarətinin qəfil yüksəldiyi və ağ ciyərlərində sətəlcəm əlamətlərinin olduğu bildirilib.

Qeyd edilib ki, tibbi müdaxiləyə baxmayaraq, tanınmış idmançının həyatını xilas etmək mümkün olmayıb.

Xatırladaq ki, Rüfət Süleymanov ötən gün vəfat edib. O, “Judo Masters Club”un rəhbəri idi.