Azərbaycanda qeydiyyatda olan narkotik istifadəçilərinin şəhər və rayonlar üzrə bölgüsü açıqlanıb.

Yeniavaz.com xəbər verir ki, bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupu tərəfindən hazırlanmış “İllik Hesabat” jurnalında bildirilib.

Məlumata görə, ən çox istifadəçi Bakı şəhəri (8 565), Lənkəran şəhəri (3 837), Sumqayıt şəhəri (3 343), Salyan rayonu (1 335), Gəncə şəhəri (1 178), Şirvan şəhəri (1 067), Cəlilabad rayonu (939) və Abşeron rayonundadır (846).

Bakının rayonları içərisində isə ən çox narkotik istifadəçisi Yasamal (1 652), ən az narkotik istifadəçisi isə Pirallahı (73) rayonundadır.