Müsavat Partiyasının sabiq başqanı, hazırda Milli Strateji Düşüncə Mərkəzinin rəhbəri olan İsa Qəmbərin oğlu İlkin Qəmbərin tvitter hesabındakı paylaşımı rezonans doğurub.

Hazırda Kanadada yaşayan İlkin Qəmbər 24 aprel - qondarma erməni soyqırımının “ildönümündə” paylaşım edib.

O, “Bu gün erməni soyqırımının ildönümüdür. Bir də olmasın”,- deyə paylaşımında bildirib.

Onun bu paylaşımı ciddi müzakirələrə və etirazlara səbəb olub.

Məsələ ilə bağlı Cebhe.info-ya açıqlamasında İlkin Qəmbərin anası Aida Qəmbər oğlunun bunu harada yazdığını öyrəndikdən sonra bu haqda danışmaq istəmədiyini bildirib:

“Mən şərh vermək istəmirəm”.