Astana məhkəməsi Qazaxıstanın eks-prezidenti Nursultan Nazarbayevin qardaşı oğlunun keçmiş həyat yoldaşı Gülmira Satıbaldını adam oğurluğunda təqsirli bilib.

RegionXəbərləricom.az "Kazinform"a istinadən bildirir ki, o, 7 il müddətinə azadlıqdan məhrum edilib.

Gülmira Satıbaldı cinayət əməlini təşkil etməkdə və bir qrup şəxs tərəfindən zor tətbiq etməklə və ya onun tətbiqi hədəsi ilə adam oğurlamaqda təqsirli bilinir.

İş üzrə zərərçəkənlər iş adamları Tursen Alaguzov və Aygul Mekeşeva olub.

Qeyd edək ki, Gülmira Satıbaldı Nursultan Nazarbayevin qardaşı oğlu Kayrat Satıbaldının keçmiş həyat yoldaşıdır. Keçən ilin sentyabrında iş adamı vəzifə səlahiyyətlərindən sui-istifadə və "Qazaxtelekomun" vəsaitlərinin mənimsənilməsi ittihamı ilə on il həbs cəzası alıb.