Bir neçə ay öncə ölkəmizdə səfərdə olmuş türkiyəli akademik, dünya şöhrətli geoloq, İstanbul Texniki Universitetinin Avrasiya Yer Elmləri İnstitutunun əməkdaşı Cəlal Şəngör Azərbaycanda mümkün zəlzələ ehtimalından danışmışdı.

RegionXəbərləricom.az yenicag.az-a istinadla xəbər verir ki, geoloq səfər zamanı Azərbaycanın seysmoaktiv zonada yerləşdiyini bildirərək güclü zəlzələ gözləndiyini bildirmişdi.

“Sizin mənzərəniz, havanız gözəldir. Amma unutmayın ki, bu mənzərə, bu dağlar elə-belə yaranmayıb. Bu dağlar zəlzələlər hesabına formalaşıb. İspaniyadan başlayıb Çinə qədər uzanan bu ərazilər seysmik aktiv zonalardır. Ona görə də Azərbaycanda hər an zəlzələ ola bilər. Zəlzələnin maqnitudasının isə 7,5 bala qədər olma ehtimalı var”, – deyə Şəngör qeyd etmişdi.

Şəngörün bu açıqlaması Xəzər dənizində baş verən 5,7 ballıq zəlzələdən sonra yenidən gündəmə gəlib.