Xəbər verdiyimiz kimi, iyulun 29-da qanunsuz erməni silahlı birləşmələrinin üzvləri tərəfindən 22 dekabr 1991-ci il tarixdə Xocalı rayonunun Meşəli kəndində soyqırım törədənlərdən biri Xaçaturyan Vaqif Çerkezoviç Laçın sərhəd-keçid məntəqəsində saxlanılıb.

Xəbər verir ki, İctimai Televiziyaya müsahibəsində ermənilərin hücumu zamanı sağ qalan Sabir Qasımov həmin hadisələrdən danışıb.

“Meşəli hadisələri zamanı səhər tezdən kəndi mühasirəyə aldılar. Avtomatlardan, pulemyotlardan, qumbaraatanlardan və digər ağır silahlardan istifadə edərək kəndə hücuma keçdilər. Kəndin girəcəyində Hümbətov Bəhlul şəhid oldu. Sonra Quliyev Qənimətin ailəsindən 4 nəfər – Quliyev Qənimətin özü, yoldaşı və iki oğlu, Novruzov Novruzun özü, yoldaşı iki qızı və bir oğlu ermənilər tərəfindən şəhid edildi”, - S. Qasımov bildirib.

O deyib ki, N. Novruzun evinin mühasirəyə alınarkən kənd sakinləri Badara kəndinin erməni sakinlərini görüb tanıyıblar.

Daha ətraflı süjetdə: