“Onilliklər ərzində aparılan tədqiqatlar göstərir ki, müxtəlif formalarda soyuqlara məruz qalma ürək, immun sistemi və dəri üçün faydalı ola bilər”.

Bu barədə “Daily Mail” məlumat yayıb.

Bildirilir ki, Birmingem Universitetinin alimləri soyuq havada məşq etmək ürəyi gücləndirə və kəskin respirator virus infeksiyaları riskini azalda biləcəyini iddia edir:

“Bundan əlavə, bu cür məşqlər çox kalori tələb edir, çünki bədən eyni zamanda temperaturu saxlamalıdır. Bunun üçün bədən qan dövranını artırmağa məcbur olur və ürək daha çox işləyir. Həmçinin, soyuqda məşq etmək immun sisteminin viruslarla daha yaxşı mübarizə aparmasına kömək edir və kəskin respirator virus infeksiyaları riskini azaldır”.

Alimlər bildirir ki, məşq antidepresanlardan dörd dəfə daha təsirli ola bildiyini  tədqiqatlar göstərir:

“Qışda çöldə idman etmək, xüsusilə mövsümi affektiv pozğunluq üçün faydalı olan endorfinlərin sərbəst buraxılmasını asanlaşdıra bilər. Nəhayət, açıq havada məşq etmək qanda D vitamini səviyyəsini artırmağa kömək edir ki, bu da daha yaxşı dəri ilə əlaqələndirilir.

Bundan əlavə, soyuq su ilə yuyulma qan damarlarını daraldır, məsamələri və qızartıları azaldır və şişkinliyi, iltihabı azaltmaqla əzələ ağrısını və gərginliyini aradan qaldırır”.

Həmçinin qeyd edilir ki, soyuq su müalicəsinin faydalarına dair sübutlar azdır və kiçik tədqiqatlara və ya insan təcrübəsinə əsaslanır.