Endokrinoloq, tibb elmləri namizədi Oksana Mixaleva yaşlı insanlar üçün zərərli ola biləcək qidaları sadalayıb.Foodinfo.az xəbər verir ki, ekspert RİAMO-ya müsahibəsində bildirib ki, ağ çörək, bulka, xəmir məmulatları sadə karbohidratlardan ibarət çox yüksək kalorili qidalardır. Əgər onlar yaşlı insanların qida rasionunda məhdudlaşdırılmırsa, bu, piylənmə və 2-ci tip şəkərli diabetin inkişafına gətirib çıxarır.Mütəxəssisin qeyd etdiyi kimi, turşu qan təzyiqinin artmasına kömək edir və böyrəklərə yük yaradır.Qırmızı ət, mütəxəssisin fikrincə, tərkibində yüksək xolesterin olduğu üçün ayda bir dəfədən çox olmayaraq istehlak edilməlidir.Pəhrizinizdən yüksək yağlı süd məhsullarını da istisna etmək tövsiyə olunur.“Əsasən pendirə aiddir. Pendir, gündə 20-30 q-dan çox olmayan ölçülü istehlak edildikdə kifayət qədər sağlam məhsuldur. Yaşlılar üçün yaxşı bir kalsium mənbəyidir. Lakin çox miqdarda istehlak edildikdə, tərkibində yüksək duz və xolesterin olduğu üçün hipertoniya, ateroskleroz və böyrək funksiyasının azalması riskini artıracaq”, - deyə Mixaleva əlavə edib.