“Sarıkök iltihab əleyhinə xüsusiyyətlərə malikdir və xərçəngin qarşısını almağa kömək edə bilər”.

Bunu terapevt Olqa Çirkova news.ru-ya bildirib.

Həkimin sözlərinə görə, bir çox təbii ədviyyatlar orqanizm üçün faydalıdır, çünki onlar bakterisid və iltihab əleyhinə xüsusiyyətlərə malikdir, maddələr mübadiləsini yaxşılaşdırır və immune sistemini gücləndirir:

“Məsələn, sarıkök təkcə iltihab əleyhinə deyil, həm də şişlərin inkişaf riskini azaldır. Acı bibərin tərkibində olan kapsoisin isə qan damarlarında aterosklerotik lövhələrin əmələ gəlməsindən qoruyur”.

Çirkova onu da əlavə edib ki, soğan və sarımsaq bakteriyaların böyüməsinə və inkişafına maneə törədən fitonsidlərlə zəngindir.