İyunun 1-də Sankt-Peterburqun Poroxovskoye qəbiristanlığında “Vaqner” PMC-nin yaradıcısı Yevgeni Priqojinin abidəsinin açılışı olub.

Mərasim Priqojinin doğum gününə təsadüf edib.

Bildirilir ki, PMC-nin bir neçə üzvü abidə önünə gül dəstələri qoyub. Qeyd edilir ki,  “Nensi” daş emalı şirkəti tərəfindən ucaldılan heykəlin qiyməti 9-10 milyon rubl (188 000 manata yaxın) təşkil edib.

Xatırladaq ki, avqustun 23-də axşam saatlarında Moskvadan Sankt-Peterburqa uçan “Embraer” biznes-jeti Tver vilayətində qəzaya uğrayıb. Təyyarədə Priqojin və üç ekipaj üzvü də daxil olmaqla on nəfər olub və hamısı ölüb.