Tərtər şəhərindəki Şəhidlər xiyabanında naməlum şəhid kimi dəfn edilmiş Birinci Qarabağ müharibəsində itkin düşmüş hesab olunan Cəlal Əbdülhəkim oğlu Rüstəmovla İsmayıllı rayonunda keçirilən vida mərasimi başa çatıb.

"Report"un yerli bürosunun məlumatına görə, şəhidin nəşi İsmayıllı rayonu Mican kənd qəbiristanlığında dəfn olunub.

Dəfn mərasimində şəhidin doğmaları, İsmayıllı Rayon İcra Hakimiyyətinin vəzifəli şəxsləri, rayon hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.

Qeyd edək ki, Cəlal Əbdülhəkim oğlu Rüstəmov 1965-ci il aprelin 10-da İsmayıllı rayonu Mican kəndində anadan olub. O, 1992-ci il sentyabrın 20-də Ağdərə rayonunun qozlu (Vaquaz) kəndində itkin düşüb.