Şəki rayon Çələbixan qəsəbəsi, ev 42 ünvanında yaşayan Məmmədov Qaçay Mürşüd oğlu mətbuat vasitəsi ilə Azərbaycan Respublikasının Ədliyyə Naziri Fərid Əhmədova müraciət ünvanlayır.

"Cənab Nazir mən dəfələrlə  şikayət  etsəm də,  şikayətim araşdırılmır, mənə, Sizə və digər yuxarı orqanlara saxta cavablar göndərirlər. Onu da bildirim ki, dəfələrlə Şəki Bələdiyyəsində olmuşam, təəssüflər olsun ki, Əşirov İntiqam Rafiq oğlunun  ümumiyyətlə işə gəlmədiyini mühafizəçilər bildirmişdir.  Onu da bildirim ki, mən 2024-cü ilin iyun ayının 21-də Zaqatala rayonunda vətəşlarla keçirdiyiniz qəbulunuzda olmuşam. Qəbulda olduğum üçün Şəki Ədliyyəsindən 055-485-90-00 nömrəsi ilə mənə zəng edərək saat 15:00-da Şəki şəhər bələdiyyəsində olmağım bildirildi. 03.07.2024-cü  il tarixdə  həmin saatda  mən orada oldum. İntiqam bəy mənə bildirdi ki, mən səni Məşğulluğa göndərmişəm.

 Mən 12 may 2023-cü il tarixində İntiqam bəyin göstərişi ilə sosial işə yazılmışam. Bu gün, yəni  03.07.2024-cü il tarixdə ədliyyənin işçisinin yanında mənə bildirdilər ki, səni işlə təmin etmək  nə bələdiyyənin, nə də Ədliyyə Nazirliyinin səlahiyyətində deyil. Təəssüflər olsun ki, orda bildirdim ki, İntiqam bəy  siz 4 idarənin rəhbərisiniz. Həm bələdiyyənin 1-ci müavini, yaşıllaşdırma idarəsinin, işıqlandırma, komunal təsərrüfat  idarəsinin rəisisiz. O, mənə bildirdi ki, mən heç bir idarənin müdiri deyiləm, yalnız bələdiyyənin müaviniyəm. 

Cənab  Nazir!

Biz də Azərbaycan vətəndaşıyıq. Bizim də hüquqlarımız var ki, hər hansı işdə  işləyək və ailəmizi, uşaqlarımızı dolandıraq. Əgər bu işdə heç bir köməklik edə bilmirsinizsə, bizi hər hansı xarici dövlətə gödərəsiniz. 

Mən 12 may  2023-cü il tarixdə İntiqam bəyin qəbulunda olanda mənə söz vermişdir  ki, səni işlə təmin edəcəyəm. Təəssüflər olsun ki, dediyi  sözə  əməl etmədi və məni, yuxarı dövlət  qulluqçularını  aldatdı.  Özü 4 idarənin rəhbəri olduğuna görə bir daha xahiş edirəm  ki, mənim ailə vəziyyətim olduqca ağır olduğu üçün, qeyd olunan 4 idarədən hər  hansı birində işlə təmin olunmağıma köməklik  göstərəsiniz. İntiqam Əşirov barəsində ciddi tədbir görməyinizi, işə məsuliyyətli  yanaşması üçün aidiyyəti  şəxslərə  göstəriş verməyinizi  xahiş  edirəm."

RegionXəbərləricom.az