Ötən il Azərbaycanda ümumilikdə 9 milyard 772 milyon kub metr su istifadə olunub.

İstifadə olunan suyun 74%-i və ya 7 milyard 207 milyon kub metri suvarmaya sərf olunub.

Bundan başqa suyun 342,7 milyon kub metri (3,5%-i) məişətdə (içməli), 2 milyard 145 milyon kub metri (22%-i) isə istehsalat sahələrində istifadə olunub.

Onu da qeyd edək ki, il ərzində 3 milyard 34,4 milyon kub metr su nəql zamanı itkiyə gedib. Açıqlanan rəqəmlərdən də göründüyü kimi itkiyə gedən su istifadə olunan suyun 31%-nə bərabər olub.

Aşağıdakı cədvəldə son 6 ildə sudan istifadə, itkilər və itkiyə gedən suyun istifadə olunan suya nisbəti göstərilib:

Məlumat üçün bildirək ki, hazırda Azərbaycanda suyun orta satış qiyməti 0,77 manata bərabərdir (əhali 0,6-0,7, qeyri-əhali 1 manat). Suyun orta satış qiyməti ilə hesablama aparsaq, il ərzində itkiyə gedən suyun dəyəri (3 034 000 x 0,77) 2 milyard 336 milyon manata bərabər olacaq.