“Seçki məntəqələrində tələbləri pozanlar cəzalandırılacaq”.

Bunu Mərkəzi Seçki Komissiyasında (MSK) dairə seçki komissiyalarının rəhbərləri üçün keçirilən müşavirədə MSK sədri Məzahir Pənahov deyib.

O bu məsələ ilə bağlı dairə seçki komissiyalarının rəhbərlərinə və üzvlərinə xəbərdarlıq edib.

“Davranış qaydalarına diqqət etmək mütləqdir. Hər hansı bir pozuntu və ya neqativ halın olmasına yol verməmək lazımdır. Əgər sizdən asılı olmayan çatışmazlıq olarsa, MSK-ya müraciət etməlisiniz. Bu, ölkə əhəmiyyətli məsələdir. Buna görə də, şəxsi marağınız mütləq şəkildə arxa planda qalmalıdır”.