Suraxanı Rayon İcra Hakimiyyəti (RİH) Rayon təsərrüfatı şöbəsinin müdiri Hüseynov Mehman Elman oğlunun vəzifədən azad edilməsinə münasibət bildirib.

M.Hüseynov bir neçə gün öncə deyil, bu ilin may ayının 14-də öz ərizəsi ilə işdən çıxıb.

İH-in açıqlamasından bu aydınlaşır  ki, əmri A.Əliyev deyil, əvvəlki icra başçısı Əziz Əzizov imzalayıb. 

Xatırladaq ki, Prezident İlham Əliyevin iyulun 8-də imzaladığı sərəncamla Adil Abış oğlu Əliyev Bakı şəhəri Suraxanı Rayon İcra Hakimiyyətinin başçısı təyin edilib. A.Əliyevin təyinatınadək M.Hüseynov rayon icra hakimiyyətinin rəsmi saytında şöbə müdiri kimi göstərilirdi.