Xəbər verdiyimiz kimi, Bakının Nəsimi rayonu, Rəşid Behbudov küçəsi ilə Şövqiyar Abdullayev küçəsinin kəsişməsində tikinti işləri ilə əlaqədar 100-ə yaxın müxtəlif cinsli, iri diametirli ağaclar xüsusi texniki vasitələrlə kəsilərək götürülüb

Məlumata görə ağacların kəsliməsini tapşırıq verən “Şapka Mamed”dir.

Aqrarkredit QSC-nin İdarə Heyətinin sədri, ASK-nın prezidenti olan Məmməd Musayev gecə ilə yaşıl ağacları xüsusi texnika ilə kəsdirib.

Həmin ərazi həbsdə olan Beynəlxalq bankın rəhbəri olmuş Cahangir Hacıyevə məxsus oldugu bildirilir.

Məsələ Ekologiya və Təbii Sərvətlər Nazirliyi Dövlət Ekoloji Təhlükəsizlik Xidməti tərəfindən araşdırılıb, faktla bağlı akt tərtib olunub və təbiətə dəymiş ziyanın məbləği hüquqi qiymət verilməsi məqsədilə toplanmış sənədlər Baş Prokurorluğa göndərilib.

Xalq.az məlumat verir ki, Baki şəhər yaşıllaşdırma təsərrüfatı birliyi mütəxəssisləri tərəfindən 12 iyul 2024 ci il tarixində yerində əraziyə baxış keçirilmiş , ümumilikdə 33 ədəd ağacın qanunsuz olaraq kəsilməsi faktı aşkar edilmişdir. Materiallar toplanaraq aidiyyatı üzrə hüquq-mühafizə organlarına göndərilib.

Sözügedən ərazidə aparılan tikinti işləri ilə bağlı Dövlət Şəhərsalma və Arxitektura Komitəsi isə belə açıqlama verib:”Bakı Şəhər Memarlıq və Şəhərsalma Baş İdarəsinin əməkdaşları tərəfindən Nəsimi rayonu, Rəşid Behbudov küçəsi ilə Şövqiyar Abdullayev küçəsinin kəsişməsində yerləşən əraziyə baxış keçirilib. Həmin ünvanda hazırda hər hansı ağac kəsiminin aparılması, tikinti işləri aşkarlanmayıb.

Qeyd edək ki, sözügedən ünvanla bağlı Komitəyə rəsmi müraciət edilib və tikintiyə icazə icraatı prosesi gedir”.

Bir-birini təkzib edən dövlət qurumlarının açıqlamasından bəlli olur ki, artıq razılaşma olub və yaxın zamanda yaşıl ağaclar kəsilən ərazidə tikinti işləri aparılması icra olunacağı təqdirdə təəcublənməyin…..