Rusiyada instaqrama giriş bərpa oluna bilər.

Bu haqda Rusiya Prezidentinin mətbuat katibi Dmitri Peskov bildirib.

O, bu haqda Senejdə keçirilən Yeni Media Festivalında çıxışı zamanı deyib. Ondan ölkədə instaqram qadağasının Rusiyanın mövqeyini daha geniş auditoriyaya tanıtmaq imkanlarına mənfi təsir edib-etmədiyi soruşulub.

“İnstaqrama mümkün qədər tez daxil olmaq daha yaxşıdır, amma biz müharibə şəraitində yaşayırıq. Bu məhdudiyyətlərə ehtiyac minimuma enən kimi mən hesab edirəm ki, biz sözümüzü dünyaya çatdırmaq, həqiqətlərimizi dünyaya çatdırmaq üçün təbii ki, yenidən bütün platformalardan istifadə etməliyik”, - prezidentin mətbuat katibi vurğulayıb.