Rusiyalı şoumen Maksim Qalkin Ali Məhkəməyə müraciət edib.

TASS xəbər verir ki, buna səbəb birinci, apellyasiya və kassasiya instansiyalarının onun üzərindən “xarici agent” statusunun götürülməsindən imtina etmələri olub.

Ali Məhkəməyə şikayətlə bağlı iclasın vaxtı hələ təyin olunmayıb.

Xatırladaq ki, M.Qalkin xarici agentlərin reyestrinə 2022-ci ilin sentyabrında daxil edilib. Buna səbəb yumoristin sosial şəbəkə paylaşımlarında Rusiya siyasətini və Ukraynaya qarşı aparılan müharibəni pisləməsi olub. O, həyat yoldaşı, SSRİ Xalq artisti Alla Puqaçova və övladları ilə birlikdə İsrailə, daha sonra Kiprə köçüb.