Ukrayna ordusunun bazar ertəsi bildirdiyinə görə, Rusiyanın ölkənin bir çox bölgəsini hədəf alan gecə hücumları zamanı istifadə etdiyi 24 pilotsuz uçuş aparatının hamısını vurub.

Ukrayna Hərbi Hava Qüvvələri pilotsuz təyyarələrin Dnipropetrovsk, Xarkiv, Kirovohrad, Kyiv, Poltava, Sumı və Vinnitsa vilayətləri üzərində vurulduğunu bildirib.

Dnipropetrovsk vilayətinin qubernatoru Serhiy Lısak Telegram kanalında bildirib ki, Rusiyanın hücumları nəticəsində iki nəfər yaralanıb, həm evlərə, həm də ferma binalarına ziyan dəyib.

Xarkiv rəsmiləri mülki infrastruktura ziyan dəydiyini bildirib.

Rusiyanın Xarkivlə sərhəddəki Belqorod vilayəti rəsmilərinin bildirdiyinə görə, bazar ertəsi Ukraynanın hücumu nəticəsində bir nəfər yaralanıb və Şebekino şəhərində dörd yaşayış binasına zərər dəyib.

Belqorod qubernatoru Vyaçeslav Qladkov da Telegram kanalında Ukraynaya məxsus pilotsuz təyyarələrin İlek-Penkovka kəndinə hücum etdiyini, nəticədə iki evin yandığını, daha bir binaya ziyan dəydiyini yazıb.

İyul ayından bəri hücumların artması Ukraynanın müttəfiqlərinə Rusiyadakı hədəfləri vurmaq üçün uzaqmənzilli raketlərdən istifadə etməyə icazə verməsi üçün təzyiq göstərdiyi vaxta təsadüf edir.