Rusiyalı siyasətçi Boris Nemtsovun qətli üzrə təqsirləndirilən şəxslərdən biri Temirlan Əsgərxanov Rusiya Müdafiə Nazirliyi ilə müqavilə imzalayıb, həbsdən azad edilərək Ukraynadakı xüsusi əməliyyat zonasına gedib.

Bu barədə TASS məlumat yayıb.

Qeyd olunub ki, o, müqaviləni 2024-cü ilin martında bağlayıb, əfv olunub, sonra koloniyadan azad edilib.

Məlumata görə, onun müqaviləsi bir il müddətinə qüvvədədir.

Qeyd edək ki, Boris Nemtsov 2015-ci il fevralın 27-də “Bolşoy Moskvoretski” körpüsündə öldürülüb. Polis əməkdaşları siyasətçinin qətlini təşkil etməkdə şübhəli bilinərək bir neçə nəfəri saxlayıb.