Ukrayna Silahlı Qüvvələrinin baş komandanı Aleksandr Sırski Kursk vilayətinə hücumun əsas məqsədlərini açıqlayıb.

O, bu barədə “CNN”ə müsahibəsində danışıb.

Onun sözlərinə görə, Ukrayna ordusunun həmin vilayətlə bağlı əməliyyat keçirməsinin məqsədi Rusiya ordusunun həmin ərazidən hücumuna yol verməmək, “təhlükəsizlik zonası” yaratmaq, transsərhəd atışmaların qarşısını almaq, əsir götürmək və ukraynalıların ruh halını yüksəltmək olub.

Sırski Rusiya ordusunun Kursk vilayətindən hücuma hazırlaşdığını da iddia edib.

Xatırladaq ki, Ukrayna ordusu avqustun 6-da Rusiyanın Kursk vilayətinə hücum edib. Nəticədə çox sayda yaşayış məntəqəsinə nəzarət ələ keçirilib.