"Novella Cəfəroğlunun fəaliyyətinə Dilarə Əliyevanın dövründən başlayaraq bələdəm. Bir yerdə milli-azadlıq hərəkatında iştirak etdiyimizdən onun taleyi ilə bağlı fikir bildirmək haqqım var. O, Əbülfəz bəyin ən yaxın dostu, sirdaşı olub, xalq hərəkatında mühüm rol oynayıb. Aid olduğu təşkilatın ayaqda qalması üçün çox əmək sərf edib. Novella xanım fikirlərini həmişə səmimi deyib, ikibaşlı oyun oynamayıb. Ona görə də növbədənkənar parlament seçkilərlə bağlı özəl fikrinə görə Müsavat Partiyasının təzyiqi ilə partiyadan istefa verməsinə təəssüf edirəm. Məncə, bundan heç kim qazanmayacaq".

RegionXəbərləricom.az pravda.az-a istinadla xəbər verir ki, bunu Vəhdət Partiyasının sədri Tahir Kərimli deyib.

"O ki qaldı İlqar Məmmədovun istefasına, məncə, doğru addım atıb, Partiyasının demokratik imicini saxlamaq istəyib. Ona və REAL Partiyasına uğurlar diləyirəm. Həmin partiyada dəyərli ziyalılar var. Onlar müvafiq qərar qəbul edəcəklər", - T.Kərimli qeyd edib. vakansiya